ليش بنحب رام الله....... !!!!!!!!!!!!!!!

لانه في رام الله الواحد بتطلع من الكوفي شوب عشان يروح ع مطعم و بالعكس
لانه في رام الله ما بتحتاج لموعد مع اصحابك لانك كل يوم بتشوفهم
لانه في رام الله اطيب ناس
لانه في رام الله اول واحد بهنيك في رمضان صاحبك المسيحي
لانه في رام الله في عيد الميلاد اول واحد بيهنيك صاحبك المسلم
لانه في رام الله كل الناس بتحب بعض بس ما ابتتدخل في بعض
لانه في رام الله البنات حلوات بدون عمليات تجميل

لانه في رام الله ممكن انك تنبسط وما تصرف الا شيكلين ( أبسر )
لانه في رام الله ممكن تفطر فلافل وتتغدى اكل صيني وتتعشى بيتزا ايطالية
لانه في رام الله بتعيش احلى شتا و بتصيف احلى صيف
لأنه في رام الله احلى شباب و الطف صبايا
لأنه في رام الله بتشوف الناس رايحة على شغلها الصبح وطالعة تسهر بالليل
لأنه في رام الله بتكزدر في ركب وبتاكل بوظة ركب وأروع قعدة في ركب
لأنه في رام الله اول ما اتروح عند صاحبك بدخلك ع المطبخ وبطعميك من اكل بيتهم
لأنه في رام الله اول ما يدخلها الجيش كل الشباب بتضربهم حجار واول ما يطلعو بروحوا يريحوا في المقاهي والمطاعم
لأني لو مش من رام الله لتمنيت اكون منها


أسباب أخرى....



لأنه في رام الله الكل متواطئ على سماع فيروز الصبح

لأنه في رام الله بس بتدفي قلبك بشيكل ازا شريت كيس فستق محمص وسخن

لأنه في رام الله بس رح تسمع الكلمات القروية بلهجة اجنبية

ناولني كرسي >> give me a تشرسي

لأنه في رام الله بطير نص الراتب بدون ماتحس فيه وحضرتك مبتسم

لأنو في رام الله ثوب مطرز فلسطيني اصيل ...

لأنو أسماء الاشارة برام الله فريدة من نوعها هيذا وميذا وهمّا

لأنه في رام الله كل الناس بتستنى بعض عند البنك العربي حتى الاجانب

لأنو في رام الله 4 من 5 من اصحابك شعراء او صحافيين او الهم تجارب واهتمامات ادبية



لأنو في رام الله ازكى معجنات بالتاريخ .. كل التحية للشهباء وبنت الشام

لأنو في رام الله اي واحد اتعرفت عليه ع المسنجر بتلاقي بكزدر بشارع ركب

لأنو رام الله مدينة حزينة يوم الخميس بكونو اهل الشمال روحوا

لأنو هون مابتعرف وين بتخلص رام الله وبتبلش البيرة

لأنو برام الله وانت نازل بشارع المنتزه ,, بترتدلك الروح

لأنو فيروس الحب منتشر برام الله .. وكل الناس مزكمين



لأنو في رام الله الكل بيدخن غولواز أحمر يعني باختصار مثل دخانك وبالتالي

ما راح تنقطع ولا يوم من سيجارة

ولأنو في رام الله في اشي أسمه رام الله التحتا ويا عيني على رام الله التحتا وأحلى الناس

ولأنو في رام الله ريحة شجر وورد الياسمين ولا في الخيال

ولأنو في رام الله في كثير ذكريات لا بتزهق ولا بتمل وانت بتتذكر

مرة هون صار كذا وهناك شفنا فلان وكان مش عارف شو ماله

وكمان.....
ان كانت كل الارصفة زحمة واضطريت تمشي بالشارع وتاخد مخالفة من الشرطة اعلم انك في رام الله
ان حبيت تعاكس بنت ولقيت الكف على وجهك او البزقة بوجهك اعلم انك برام الله
ان مشيت بالشوارع ولقيت الشباب بالمئات على الارصفة اعلم انك برام الله وخصوصا شارع ركب
ان حبيت تشتريلك شي بلوزة او بنطلون ولقيت انك ما بتقدر تحط اجرك بشبر من المحلات
بسبب وجود البنات فيهم اعلم انك برام الله
ان اخدت راتبك اول الشهر وبعد خمس ايام بكون طاير اعلم انك برام الله
ان رحت على السوق بمبلغ كبير قد ما يكون وبترجع على بيتك معك بس اجار الطريق اعلم انك برام الله
ان رحت على المقاهي والمتنزهات والمطاعم ......الخ وكانت كلها زحمة من كتر الناس اعلم انك برام الله

بس اكيد بتضل رام الله بتجنن